Cristina Balboa é unha artista escénica e videorealizadora afincada en Compostela.

O seu traballo  móvese nun absurdo elaborado pero tamén cotián no que a palabra toma unha parte importante no eixo do seu discurso-escénico.

Despois de traballar na Cía  D2 e La Tía Mardalina, actualmente codirixe con Paulina Funes  a Cía. Funboa Escénica. Entre os seus traballos destacan Oiseau Rebelle (Funboa Escénica), Queremos Bailar e Las verdades duelen (D2) e a serie web Sigue Buscando realizada para documentar o proceso de creación do espectáculo homónimo de Funboa Escénica.
Realiza unha formación continua en estudios teatrais como o Postgrao de Arte Dramático da USC e participa en workshops de artistas como Idoia Zabaleta,  Chefa Alonso, Amalia Rodríguez, Vera Mantero, Ana Buitrago, Amparo Novas, Bárbara Bañuelos, Pere Faura,  Quico Cadaval, Baltasar Patiño, Olga Melnik ou Cándido Pazó.